ສະຫະກອນຂອງພວກເຮົາ
ສະຫະກອນຂອງພວກເຮົາ ປະກອບມີຊາວກະສິກອນຜູ້ປູກຊາຂະໜາດນ້ອຍທີ່ມາຈາກ 4 ບ້ານ ແລະມີສ່ວນຮ່ວມໃນການເກັບກ່ຽວ ແລະ ການປຸງແຕ່ງຊາຈາກສວນປ່າໄມ້ຂອງພວກເຂົາ. ສະມາຊິກຂອງພວກເຮົາທຸກຄົນລ້ວນແຕ່ແມ່ນຜູ້ຜະລິດຊາໃນເຂດພູດອຍໃນເມືອງຍອດອູ, ເຊິ່ງເປັນດິນແດນທີ່ຕັ້ງຢູ່ທາງພາກເໜືອສຸດຂອງປະເທດລາວ.
ຜູ້ຜະລິດຊາຂອງພວກເຮົາໄດ້ເຮັດວຽກຮ່ວມກັນກັບ ອົງການຮ່ວມມືກັບປະເທດລາວ ຫລື ເອືອນຊື່ຫຍໍ້ວ່າ CCL ມາແຕ່ປີ 2007 ເພື່ອປັບປຸງຄຸນນະພາບຊາຍອດອູ ແລະ ຕິດຕາມຄຸ້ມຄອງສິ່ງທີ່ເຮັດໃຫ້ຊາຂອງພວກເຮົາມີຄວາມພິເສດນັ້ນກໍຄື: ການປົກປັກຮັກສາປ່າໄມ້.
- ການຜະລິດຊາຂອງພວກເຮົາແມ່ນເນັ້ນໃສ່ໃນລະບົບນິເວດກະສິກຳ ແລະ ຄວາມຫລາກຫລາຍທາງດ້ານີວະນາໆພັນ.
- ສົ່ງເສີມໃຫ້ມີການແລກປ່ຽນພາຍໃນສະມາຊິກສະຫະກອນ ແລະ ຜູ້ຜະລິດຊາ, ຍົກສູງຄຸນ ນະພາບຊາໃຫ້ດີຂຶ້ນເລື້ອຍໆ, ເພື່ອຊ່ວຍໃຫ້ພວກເຂົາສາມາດຮຽນຮູ້ທັກສະໃໝ່ໆ, ລວມທັງຄວາມຮູ້ໃໝ່ ແລະ ວິທີການໃນດ້ານນິເວດກະສິກຳທີ່ດີ, (ກອງປະຊຸມສໍາມະນາດ້ານການຜະລິດ ແລະ ການປຸງແຕ່ງ, ການຝຶກອົບຮົມການຜະລິດໃນລະບົບນິເວດຕິດພັນກັບການປົກປັກຮັກສາປ່າໄມ້, ສົ່ງເສີມໃຫ້ຜູ້ຜະລິດຊາໄດ້ມີໂອກກາດເຂົ້າຮ່ວມງານເທສການຕ່າງ, ງານກິດຈະກໍາຊົງຊາຂອງຜູ້ຜະລິດຊາ...).
- ຊ່ວຍໃຫ້ທ່ານຕາມຜະລິດຕະພັນຊາຍອດອູໄດ້ງ່າຍຂຶ້ນ, ເນື່ອງຈາກວ່າ ພວກເຮົາອາໄສຢູ່ເຂດເນີນພູທີ່ຫ່າງໄກສອກຫຼີກ, ຈິ່ງບໍ່ສາມາດເຂົ້າເຖິງຜູ້ຄົນທີ່ມັກດື່ມຊາໃນທົ່ວໂລກໄດ້ງ່າຍ. ສະຫະກອນ ໄດ້ເປັນຜູ້ສ້າງຊື່ສຽງເຮັດໃຫ້ຊາຂອງພວກເຮົາ ກາຍເປັນທີ່ຮັບຮູ້ກັນຫຼາຍຂຶ້ນ ຢູ່ພາຍໃນປະເທດລາວ ແລະ ທົ່ວໂລກ.
ະມາຊິກຂອງພວກເຮົາທຸກຄົນລ້ວນແຕ່ມີສ່ວນຮ່ວມໃນການແບ່ງປັນຫຼັກການຄູ້ມຄອງສະຫະກອນ. ຜູ້ຜະລິດຊາທີ່ມາຈາກກຸ່ມບ້ານໃນສະຫະກອນທີ່ມີຄຸນສົມບັດສອດຄ່ອງກັບຫຼັກການ, ດ້ານການຄູ້ມຄອງສວນຊາໃນລະບົບນິເວດກະສິກຳ, ການຜະລິດໂດຍຕິດພັນກັບການປົກປັກຮັກສາປ່າໄມ້, , ເວົ້າອີກຢ່າງໜຶ່ງນັ້ນກໍຄື ຜູ້ທີ່ມີສວນຊາທີ່ປອດຢາປາບສັດຕູພືດ ແລະ ສວນຊາຕ້ອງມີອາຍຸຂອງຕົ້ນຊາ ຢ່າງໜ້ອຍ 8 ປີ ຂຶ້ນໄປ ແລະ ພຶ້ນທີ່ຂອງສວນຊາແມ່ນຢູ່ໃນລະດັບຄວາມສູງຈາກໜ້ານໍ້າທະເລ 900 ແມັດຂຶ້ນໄປ, ພ້ອມທັງປົກປັກຮັກສາຕົ້ນໄມ້ໃນສວນຊາ, ການສະ ໝັກໃຈເຂົ້າເປັນສະມາຊິກແມ່ນສະໝັກດ້ວຍຕົນເອງ ແລະ ເຊັນຂໍ້ກຳນົດຮ່ວມກັນ. ເຊິ່ງໄດ້ກໍານົດມາດຕະຖານການຜະລິດ, ການເກັບກ່ຽວ ແລະ ການປຸງແຕ່ງລວມໄປເຖິງການເກັບຮັກສາໃນມາດຕາຖານຄືກັນ.
ຄະນະບໍລິຫານປະກອບມີສະມາຊິກຂອງສະຫະກອນ ແລະ ໄດ້ຮັບການເລືອກຕັ້ງທຸກໆຫ້າປີ ໃນກອງປະຊຸມສະມາຊິກສະຫະກອນປະຈໍາປີ. ໃນນັ້ນ 50% ຂອງສະມາຊິກຄະນະບໍລິຫານສະຫະກອນແມ່ນແມ່ຍິງ.
ຈຸດປະສົງຫຼັກຂອງກຸ່ມສະຫະກອນຂອງພວກເຮົາກໍແມ່ນແນໃສ່ການຜະລິດ ແລະ ເພີ່ມບົດບາດການຂາຍຊາທີ່ມີຄຸນນະພາບຈາກເມືອງຍອດອູໃນຕະຫລາດສາກົນ ໂດຍຜ່ານການຄູ້ມຄອງຮັກສາ ພັດທະນາລະບົບນິເວດກະສິກຳ ແລະ ປັບປຸງຊີວິດການເປັນຢູ່ເພີ່ມລາຍຮັບໃຫ້ແກ່ຄອບຄົວຊາວກະສິກອນໃຫ້ດີຂິຶ້ນເທື່ອລະກ້າວ,ເພື່ອຮັບປະກັນຄວາມຍືນຍົງຂອງລະບົບນິເວດແຫຼ່ງຊັບພະຍາກອນ." - ກົດລະບຽບຂອງສະຫະກອນຊາຍອດອູ, ເມສາ 2022". -
Nyot Ou tea cooperative statutes, February 2022.